Yu-ngwi Ninghkring Wadu Pri Lum a Tsuhtat Shiga

Jinghpaw Wunpawng amyu sha ni a Yu-ngwi shing-ni ninghkring kaba langai rai nga ai, Jan. Easter Wadu Pri Lum (asak-46 ning) gaw 17 September 2011 (Mashang) ya shani hkying 2:10pm ten hta Madu Yesu kaw yup pyaw mat wa sai lam chye lu ai. Yu-ngwi ninghkring Jan Easter Wadu Pri Lum gaw Duwa Wadu Naw hte Jan. Nhkum Sing Grawng Kaw yan a kasha rai nga ai. Yu-ngwi ninghkring Easter Wadu Pri Lum gaw Slg. Wa Ndu Seng Hkum (a) Wai Yan Htun a ning-rum ningtau jan rai nna, kasha Benedit Wa Ndu Seng Mai Hkum a chyinghkai kanu re.Yu-ngwi ninghkring Easter Wadu Pri Lum gaw Sindum Sumri ngu ai mahkawn hte laga mahkawn ni law law rau amyu sha ni a masin salum hpe ka-up lai wa ai sha n-ga daini ten du hkra jum ashun ya lu ai, laklai yu-gwi ninghkring kaba langai mi rai nga ai. Yu-ngwi ninghkring Easter Wadu Pri Lum hpe 19 September 2011 (But) ya shani hkying 11:00am ten hta Myitkyina, Rada Kawng, Kahtawlik Lupding lupwa kaw makoi mayang na re lam chye lu ga ai.

1 comments

Ya na zawn Jinghpaw Yu Ngwi Ninghkring langai mi sum mat wa ai majaw myit n pyaw let hkam sha ai. N law la ai anhte myu sha Yu Ngwi Ninghkring ni hte myu sha yawng a matu sum kaba langai mi nan rai sai. Ngwi pyaw ai ja mungdan hta ning ngai nga lu u ga.

Comments are closed.