Namsan Yang mare gat hte dum nta ni nat hkrum

Shawnglam Majan Man

KIA laksan hpyenhpung hte Myen Asuya, Hpyendap LIB (37), LIR (438) ni 15 – 16 September 2011 ya gaphkat ai kaw Myen Asuya Hpyenla ni marai (20) jan si hkrum ai hte hkala nba grai law ai lam chye lu ai. KIA maga de hpyenma marai (3) hkala hkrum ai raitim, sawng ai lam n nga ai hpe na chye lu ai. KIA hpyenla ni Myen Asuya Hpyendap a sinat laknak hpanhkum hpe mung padang dip zing la lu ai lam mung chye lu ga ai. Ndai zawn majan byin nga ai majaw, KIA kaw nna hkrunlam hkawmsa ai ni hpe Awngja yang mare kaw jahkring da ai shara de 16 September 2011 (Hpan) shani Myen asuya hpyenla ni 4:30pm daram hta launcher gap bun ai majaw hkrunlam hkawm mung shawa marai 3 hkala hkrum ai hte mawdaw langai hten hkrum ai lam mung chye lu ai. Dai sha n-ga Myen asuya hpyenla ni gaw aru ara si hkrum ai hpe masin pawt nna, Namsan yang mare mung shawa gat nta mare nta nkau mi hpe mung hkying 6:40pm ten hta nat hkawm nga ai lam chye lu ga ai. Mung mare masha ni gaw hkrit kajawng ai majaw lu ai ra hta hpai nna, Laiza de grai yan shang wa ai hpe chye lu ai.

Hpyen Hprawng ni

Bai,KIA masat (3) dapba npu, masat (15) dapdung ni mung Tahkaw hka madim makau, Dunghkung lam numshe kaw dung ai, Myen Asuya Hpyendap post na Myen asuya hpyenla langai hpe 16 September 2011(Hpan) ya hkying 4:17 ten hta sa gap kau lu ai lam chye lu ai.

3 comments

Ndai zawn re, myen asuya a n shawp ai lam ni galaw yang, tinang Shang Lawt Asuya hku nna mung myen atsuya hpe Tara N lang ai majan, hpung shawa ntsa je hpre ai (Terrorist) ladat hpe tsep kawp n galaw na lam Myen hpyen Asuya hpe ja ja sadi jaw ai lam Media hku galaw yang kaja ai. tinang Shang Lawt Asuya gaw Terrorist n re ngu tsun shakut ai hta, ndai zawn ntara ai hku galaw ai Myen Asuya hpe masha law law chye lu hkra, Terrorist nmai galaw ai lam sadi jaw ai gaw tang du na re ngu kam ai.

lahta na myit su wa tsun ai ga hpe madi shadaw ai. Rai nga ai, dai zawn mung masha ni a nta ni nat, tara n lang ai lam galaw ai shiga ni hpe sumla hte hkrak hkrak mungkan shiga dap kaba ni de tang madun ra ai.

Comments are closed.